Así serán os «smartphones» do futuro: con holograma e pantallas flexibles

Buscar

Susbcrición Newsletter

Introducir e-mail

Arquivo mensual

Vindeiros eventos

Non hai eventos polo momento
eYeka, unha compañía crowdsourcing especializada na "co creación online" de produtos publicou algúns conceptos moi intrigantes sobre o futuro dos smartphones. Entre eles, os gañadores do seu último concurso de ideas, dous proxectos sorprendentes e desexados.
 
Xeralmente son as grandes compañías como Nokia, Apple ou Ericsson as que "inventan" as novas xeracións de dispositivos móbiles, a través de multitude de prototipos dos que sae a liña que finalmente chega e conquista o mercado. Por iso quizais algunha das cousas que presenta este grupo de creación sexa parte do iPhone 5 ou do Android máis potente da nova xeración. Estes dous conceptos son os vídeos gañadores da súa última edición, pero non serán eles os que leven o crédito se se aplican á vida real.
 
O que a súa comunidade de desenvolvedor pide, a grandes trazos, é: un deseño simple e minimalista, máis funcións tecnolóxicas, unha forma que faga que pareza unha extensión do corpo humano, que axude na vida diaria, que sexa ecolóxico e mesmo que sexa transparente.
 
Flexphone
 
A primeira proposta é un teléfono cun concepto máis tradicional e con máis probabilidades de existir no curto prazo, o Flexphone. De feito, en TICbeat presentouse recentemente algo parecido, pero menos evolucionado, o Paperphone.
 
O Flexphone parte da base de que moi pronto as pantallas non terán que ser ríxidas, senón flexibles, a pesar de levar no seu interior todos os chips que achegan funcións aos dispositivos de hoxe en día como cámaras e xiroscopios. Polo tanto, confía na pantalla ULIDE flexible.
 
Roundphone
 
O Roundphone, un smartphone con forma de galleta que utiliza proxeccións holográficas como pantalla. As chamadas son semellantes ao concepto de comunicación que esperaron historicamente os fans da Guerra das Galaxias, mentres que o control é a través de xestos ao estilo Kinect.
 
Francois Petavy, CEO de eYeka, explica como cumpre a función de "axuda na vida diaria": "lévao á ducha e diche a temperatura da auga. Conéctao á neveira e saberás que comida che falta". É dicir, trátase dun teléfono como enlace de Internet dos obxectos.
 
(Fonte: ABC)