A Xunta recibiu tres ofertas de empresas para a redacción do proxecto e dirección das obras do Centro de Excelencia en Ciberseguridade de Galicia, no Parque Tecnolóxico de Galicia (San Cibrao das Viñas), cuxa execución suporá un investimento de 4,2 millóns de euros.
Dunha experiencia traumática naceu unha firma xenial: Ximica, calcetíns unisex de algodón orgánico concibidos en Galicia, confeccionados en Portugal e enviados por todo o mundo a través do e-commerce pola súa fundadora, Ximena Lagoa Borges, unha creativa nacida en Caracas, Venezuela, e amante do país das rías.
A compañía española Aerocamaras adxudicouse a inspección e mantemento de diferentes infraestruturas en Porto Rico. Este contrato inclúe a supervisión de varias obras públicas, entre elas máis de 50 viadutos e estradas, entre outras zonas críticas.
Para estes traballos a compañía destinou drons de última xeración equipados cun software especializado para inspeccións técnicas. En canto a cargas de pago, os equipos levan incorporado un sistema Lidar, sensores de cámaras RGB de alta resolución e cámaras con zoom detalle.
A Lei de Áreas Empresariais de Galicia, que actualmente se atopa en tramitación parlamentaria, someterase ao debate de aprobación definitiva no Parlamento o vindeiro mes de setembro. Coa súa entrada en vigor, espérase reducir a un máximo de nove meses o prazo para completar o asentamento de novos espazos industriais na Comunidade, incluída a súa urbanización e todo o necesario para o inicio da actividade. O trámite pode chegar actualmente até os 20 meses.
Tendas online low cost, cupóns de desconto cortesía das influencers, correos electrónicos xerando necesidades coas últimas tendencias a prezos sumamente baixos… Decenas de inputs convidan cada día a un consumo rápido, case impulsivo, e o sector da moda é un dos arroiados por esta tendencia.
A oferta de titulacións da Universidade de Vigo para o curso 2022/2023 vai medrar con dúas importantes novidades: Relacións Internacionais e Intelixencia Artificial, as dúas localizadas no Campus de Ourense. Igualmente, póñense en marcha na UVigo catro novos mestrados, en Enxeñería Biomédica; en Exercicio Terapéutico e Funcional en Fisioterapia; en Intelixencia Artificial e en Desafíos das Cidades.
Cada vez faise máis evidente a necesidade de impulsar novas estratexias e propostas lexislativas para alcanzar a neutralidade climática e reducir a dependencia dos combustibles fósiles. Ao longo de 2021 integráronse no sistema eléctrico do país uns 4500 novos megawatts (MW) de potencia renovable, “o que permite dar un paso máis no éxito da transición enerxética” -valora o operador do transporte da electricidade Redeia, o antigo Grupo Rede Eléctrica-.
Boas noticias para as pequenas e medianas empresas (pemes) e autónomos. O Goberno galego aprobou o lanzamento de dúas liñas de axudas por un total de 7 millóns de euros. En concreto, apoiaranse un total de 300 proxectos a través de dúas convocatorias: unha dedicada á dixitalización e a conectividade por 5,4 millóns, e outra para iniciativas de economía circular por 1,5 millóns.
Máis do 21% das empresas TIC galegas utiliza ou incorpora Intelixencia Artificial a produtos ou servizos. Así o recolle o informe “Galicia Dixital. Tecnoloxías disruptivas nas empresas” que vén de ser publicado polo Observatorio da Sociedade da Información e Modernización de Galicia (OSIMGA).
Desde a Administración autonómica incídese na innovación tecnolóxica como un dos “alicerces básicos do tecido económico” e, de feito, o Executivo galego desenvolve plans e estratexias ao redor dese factor. No entanto, numerosas empresas seguen vendo complicado afrontar ese desafío. Os argumentos varían e solápanse: porque teñen outras prioridades, porque esixe un investimento moi elevado ou porque falta persoal adecuado para abordar un novo produto ou mellorar un proceso, entre outros.
