A Galiciencia vén de ser seleccionada finalista entre as dez solucións máis inspiradoras do mundo pola Asociación Internacional de Parques Científicos e Tecnolóxicos (IASP). A feira científica de referencia en Galicia é organizada anualmente por Parque Tecnolóxico de Galicia-Tecnópole co apoio da Consellería de Economía, Emprego e Industria e a Fundación Española de Ciencia e Tecnoloxía (Fecyt).
A empresa iforest, con sede en Tecnópole, gañou o segundo premio do concurso Start4Wood coa súa plataforma de dixitalización para a industria forestal e da madeira. O certame tivo lugar no marco da feira Asturforesta, no que outra empresa galega, Aleutos, se fixo co primeiro premio cunha aplicación para a xestión de parcelas denominada Smartwood.
Un novo sistema de teleasistencia permite a detección intelixente de emerxencias no fogar empregando robótica e sensores conectados para garantir a seguridade destas persoas
De acordo cun informe da Fundación Vida Silvestre, 2017 foi un dos peores anos en canto a incendios forestais na Península Ibérica: cerca de medio millón de hectáreas, o que representa un 1% da superficie española. Cada ano. Malia o coñecemento, a experiencia e o valor dos expertos en incendios forestais, a miúdo débense enfrontar con pouca axuda contra o lume. Polo menos ata agora.
Un simple muíño pódenos servir para medir a velocidade do vento no xardín da nosa casa. Pero fóra da Terra todo é moito máis complicado. Por exemplo, en Marte non podemos usar un muíño porque alí a atmosfera é 170 veces máis tenue que a terrestre e o vento apenas movería as súas aspas. Ademais necesitamos que o noso sensor sexa moi preciso e fiable e que soporte as difíciles condicións da viaxe espacial.
Ata hai pouco, as máquinas só facían mellor que os humanos traballos máis ou menos mecánicos para os que non se requiría unha gran cualificación. Pero iso está empezando a cambiar. Esta semana, a revista Nature Medicine presenta os resultados dun experimento no que un algoritmo capaz de aprender logra ser tan bo ou mesmo mellor que varios radiólogos á hora de predicir o risco dunha persoa de sufrir cancro de pulmón despois de ver imaxes do paciente obtidas por tomografía.
Investigadores do Instituto de Ciencia de Materiais de Barcelona (ICMAB-CSIC) e das universidades Autónoma de Barcelona, de Basilea e Politécnica de Eindhoven conseguiron fabricar un material á medida só cambiando a disposición dos átomos que o compoñen.
O avance, que publica a revista Nano Letters, permitirá elaborar dispositivos termoeléctricos e nanoelectrónicos eficientes, xa que requiren materiais de alta calidade e sen defectos na súa estrutura e interfases.
Investigadores da Universitat Politècnica de València (UPV) deseñaron novas nanoantenas para o interior dos chips reconfigurables, que permiten mellorar as conexións sen fíos ultrarrápidas e poden ter aplicacións para nanobiosensores e óptica cuántica.
O novo deseño de nanoantenas, creado por investigadores do Centro de Tecnoloxía Nanofotónica (NTC) da UPV, xunta todas as vantaxes da fotónica en silicio e a plasmónica, segundo indicaron a EFE fontes desta Universidade.
Tiñan a esperanza posta e acabaron sendo un auténtico fracaso. O despegue tecnolóxico que viviu a sociedade nos últimos anos provocou a aparición de toda clase de dispositivos do máis inverosímiles. Algúns, como os smartphones que inundan os petos dos cidadáns de todo o mundo ou as tabletas, convertéronse en todo un éxito e permitiron ás marcas que se atopaban detrás deles encher as súas arcas de xeito importante.
