Setembro 2018

Tecnópole é, xunto coa Axencia Galega de Innovación (Gain), a encargada de organizar o evento de reunións bilaterais da próxima Conferencia da Plataforma de Stakeholders do Atlántico, que se celebrará en Vigo o 23 de outubro. Ambas as dúas entidades asumen esta tarefa na súa calidade de nodos en Galicia da Enterprise Europe Network, a través do consorcio Galactea Plus.

Tecnópole contará con centro deportivo a partir do venres desta semana, a disposición dos traballadores do recinto e tamén de usuarios externos en horario ininterrompido de 7 a 22 horas de luns a venres e de 9 a 14 horas os sábados. Dende agora, pódese concertar unha cita para coñecer as instalacións e obter unha tarifa á medida dos intereses de cada usuario.

A alumna de Aulas Tecnópole Iria Ollero continúa a súa traxectoria de premios. A pasada fin de semana o seu proxecto "Baby safety", que xa fora recoñecido na Exporecerca catalá, logrou o primeiro premio na feira Open Science de Cambre (A Coruña) na categoría de Bacharelato. Isto permitiralle levar o seu innovador dispositivo á ZienziaAtzoca, que se celebra en Euskadi.

O fabricante español de tecnoloxía de consumo Primux desenvolveu un novo proxecto no seu centro de I+D, situado en Tecnópole, en colaboración cos xigantes informáticos Microsoft e Intel. O seu novo portátil, o Ioxbook 1402 MC, está especialmente dirixido ao público máis novo e trae incorporado de serie o videoxogo educativo Minecraft.

En España púxose recentemente en marcha unha plataforma central para actuar de intermediario entre os subcontratistas do sector público e os contratistas principais. Este sistema denominouse FACeB2B e a súa utilización é obrigatoria dende o 1 de xullo de 2018 para todos os subcontratistas do sector público, se ben moitas empresas aínda non coñecen esta obriga.

O presidente da Asociación de Empresarios do Polígono de San Cibrao das Viñas, Elías Mera, presentou hai uns días, xunto co presidente da Deputación provincial, Manuel Baltar; o reitor da Universidade de Vigo, Pachi Reigosa, e o alcalde de San Cibrao das Viñas, Pedro Fernández, o estudo "O Polígono en cifras".

A pioneira iniciativa ATTRACT abre unha convocatoria de proxectos de 17 millóns de euros para crear un ecosistema de innovación europeo que acelere o desenvolvemento de tecnoloxías disruptivas e o seu impulso ata os mercados.

Iberdrola obtivo o Innovation Award (Premio á Innovación) 2018 na categoría Sector privado. Activación, outorgado pola rede IMPACT2030, en recoñecemento ao seu programa de voluntariado corporativo.

O sector das TIC, incluídos os centros de procesamento de datos, xera ata o 2% das emisións mundiais de CO2, segundo un informe técnico do Centro Común de Investigación da Comisión Europea. Debido á crecente demanda da computación en nube e o rápido aumento do uso de internet, prevese que a pegada de carbono dos centros de procesamento de datos aumente. O proxecto BodenTypeDC aborda este reto mediante a creación dun centro de procesamento de datos sustentable.

O traballo manual e as tarefas administrativas rutineiras "veranse ameazadas pola automatización", polo que todo o mundo "debería desexar que os seus fillos se dediquen a un traballo que requira creatividade, inspiración e un toque humano extra que non se poida reducir a un algoritmo".