Airbus presenta ao mundo da aeronáutica a tecnoloxía innovadora de Drage & Mate para propulsar aeronaves con hidróxeno limpo

Buscar

Susbcrición Newsletter

Introducir e-mail

Arquivo mensual

A tecnoloxía METALIQ de Drage & Mate International (D&M), para a súa aplicación na propulsión eléctrica de aeronaves, foi dada a coñecer por Airbus no simposio internacional sobre "Propulsión e tecnoloxía Aeroespacial Eléctrica e Híbrida" que se celebrou recentemente na cidade alemá de Colonia. O evento está considerado como o encontro internacional líder en tratamento da tecnoloxía de aeronaves de emisións ultra baixas e as posibilidades de voo completamente eléctricas

Os bos resultados alcanzados coa tecnoloxía de D&M, instalada no Parque Científico de Murcia, foron claves para que a compañía europea, na que participa España, incluíse METALIQ dentro da presentación do relatorio "Preliminary study of sodium water reaction for electrical propulsion", que impartiu no simposio o enxeñeiro de Sistemas de Airbus Víctor Manuel de Frutos, con quen a empresa murciana tivo ocasión de colaborar de forma activa para esta exposición.

Máis de 45 oradores expertos de todo o mundo pasaron polo simposio organizado en Colonia para expoñer as súas opinións. A cita congregou enxeñeiros aeronáuticos de alto nivel, deseñadores e académicos de investigación líderes, así como a enxeñeiros de propulsión, fabricantes de avións e a xefes de deseño e enxeñería de sistemas eléctricos.

Obxectivo 2050

Drage & Mate International é unha empresa de I+D de baixo perfil que está especializada en enxeñería química para sistemas de xeración de enerxía e propulsión de vehículos. A súa proposta de sistema de propulsión de alta densidade enerxética corresponde a unha das solucións innovadoras achegadas a nivel internacional no evento alemán para cumprir co obxectivo establecido pola Comisión Europea, consistente en chegar a 2050 logrando unha redución das emisións de CO2 dos avións á Atmosfera nun 75%, de óxidos de nitróxeno (NOx) nun 90% e dos niveis de ruído nun 65%.

METALIQ é un novo proceso patentado de xeración de Hidróxeno limpo e baixo demanda, co que resolve o problema de subministración de hidróxeno sen almacenar ou consumir enerxía para a súa xeración, sendo único no mercado polas súas características. Non ten competidores na actualidade, en canto ao seu uso en combinación coas pilas de combustible para xerar enerxía limpa, de cara á propulsión de vehículos en terra, mar e aire ou para aplicacións estacionarias, como son UPS, fogar ou dispositivos portátiles, no caso de UPS, PCs, tablets e teléfonos móbiles.

(Fonte: APTE)