Aimen desenvolve paneis solares "autorreparables" e de baixo impacto ambiental

Buscar

Susbcrición Newsletter

Introducir e-mail

Arquivo mensual

Vindeiros eventos

Non hai eventos polo momento
O centro tecnolóxico Aimen participa nun proxecto europeo que persegue optimizar a sustentabilidade e eficiencia da fabricación de sistemas de aproveitamento de enerxía solar mediante o desenvolvemento de tecnoloxías que permitan producir células e paneis fotovoltaicos reducindo o seu impacto ambiental e o consumo de recursos.

A iniciativa ECO-Solar, que se enmarca no programa Horizonte 2020, involucra once socios de sete países e conta cun presuposto de 5,64 millóns de euros.

Grazas a este proxecto transformarase a cadea de valor da industria fotovoltaica, mediante novas técnicas de fabricación, coas que se alcanzará unha redución de entre o 25 e o 30% na pegada de carbono no sector, mellorará a eficiencia de utilización de recursos nun 40% e diminuirase nun 50% o impacto ambiental na recuperación de módulos fotovoltaicos, entre outros avances.

Para conseguilo, no marco de ECO-Solar estanse a identificar os elementos das células fotovoltaicas que poden ser reutilizados; e desenvolvendo metodoloxías de fabricación que permiten o reciclado, na mesma planta, de recursos usados en produción que son tratados como residuos (gas argon, auga desionizada, crisois de fusión ou po de silicio), o que favorecerá a mellorar a eficiencia en cada operación.

(Fonte: Faro de Vigo)