Newsletter

Buscar

Susbcrición Newsletter

Introducir e-mail

Arquivo mensual

Vindeiros eventos

Non hai eventos polo momento

Convocan axudas para fomentar o uso da madeira en construción e envases

O sector forestal aspira a converterse nun dos motores da bioeconomía como aliado indiscutible do Green Deal que promove Bruxelas. Este Pacto Verde ten por obxectivo reducir as emisións de CO2 implicando aos diferentes sectores da economía.

A automoción frea o desplome de exportación pola covid-19 e lidera o negocio exterior galego

Galicia incrementou por enriba do 200% as súas vendas en maio a Suecia e Malta, un total de 38,1 e 8,2 millóns de euros respectivamente, polo tirón dos produtos petrolíferos. E ata aí as subidas. Os dous mercados son pequenos grans de area no enorme deserto polo que transita o comercio exterior por culpa da crise global provocada polo coronavirus. O resto dos grandes destinos dos produtos fabricados na comunidade arroxan de novo grandes números vermellos, aínda que suavizados tras o desplome do 56,2% rexistrado en abril.

Crean un detector rápido de coronavirus en superficies de procesado de alimentos

Investigadores do CSIC desenvolven un detector rápido de coronavirus para superficies de procesado de alimentos, un dispositivo de probas automatizadas que se instalará directamente nos centros de procesado e proporcionará resultados en menos dunha hora sen necesidade de instrumentación complexa ou persoal especializado.

O proxecto COVID-19 BAEMitup recibirá un financiamento de 792.000 euros da convocatoria para proxectos de innovación de resposta rápida á COVID-19 posta en marcha polo Instituto Europeo de Innovación e Tecnoloxía.

Investigadores de atlanTTic crean unha “app” que facilita a comunicación de persoas autistas na súa contorna laboral

Investigadores do Grupo de Tecnoloxías da Información (GTI) do centro atlanTTic da UVigo desenvolveron unha aplicación gratuíta para dispositivos Android que facilita a comunicación de persoas con autismo na súa contorna laboral e que xa está dispoñible a través de Google Play. A solución foi seleccionada entre as ideas gañadoras da segunda convocatoria de axudas para investigación en tecnoloxías accesibles da Fundación Universia e Indra, que achegaron 24.000 euros.

Unha ferramenta web feita en Galicia predecirá a evolución da pandemia

Un proxecto liderado pola Universidade da Coruña (UDC) desenvolve unha ferramenta web que non só será capaz de monitorizar a evolución da pandemia senón que ademais poderá facer predicións sobre a mesma. A característica diferencial do proxecto, chamado ForeCoop, é que as predicións son en realidade metapredicións obtidas combinando as provenientes de diferentes modelos matemáticos e epidemiolóxicos que diariamente fornecen grupos de investigación de toda España.

A biotech de Tecnópole Origo Biopharma pecha unha ronda semente de 2,3 millóns de euros

A empresa biotech de Tecnópole Origo Biopharma, que centra a súa actividade no desenvolvemento de fármacos para o tratamento da fibrosis, vén de pechar unha rolda semente de 2,3 millóns de euros. A rolda foi liderada por Asabys Partners, desde o seu vehículo Sabadell Asabys, e conta coa participación de XesGalicia, sociedade xestora de entidades de capital risco da Xunta de Galicia, e outros investidores xa existentes na compañía.

Policías tecnolóxicos no aire galego

O Concello de Sanxenxo puxo en marcha unha iniciativa de vixilancia e seguridade con drons nas praias máis concorridas das Rías Baixas para asegurar o mantemento das medidas de protección ante a crise sanitaria da Covid-19. Esta nova actuación supón un paso máis no mantemento da seguridade, despois de que as parcelas colocadas na praia de Silgar, establecidas para manter efectiva a distancia entre usuarios, fosen rexeitadas polos bañistas nos primeiros días de sol e altas temperaturas.

A Xunta lanza tres unidades de investigación con CTAG e Aimen para a automoción do futuro

A automoción protagoniza a nova quenda de unidades mixtas de investigación (UMI) impulsadas pola Axencia Galega de Innovación (Gain) co obxectivo de facilitar o traballo en equipo dos centros de coñecemento e o tecido empresarial da comunidade fronte aos retos marcados na estratexia de especialización intelixente da economía rexional, a RIS3. Son tres da man do Centro Tecnolóxico de Automoción de Galicia (CTAG) e Aimen, xunto con varias das firmas máis representativas do sector no sur da rexión.

Empresas que traen a innovación ao sector agroalimentario galego

Co obxectivo de traer a innovación ao sector agroalimentario galego naceu hai xa algúns anos o Business Factory Food, a aceleradora do sector alimentario de Galicia impulsada pola Xunta e dinamizada polo Clúster Alimentario de Galicia (Clusaga). Agora, este programa deu un paso máis e pon en marcha unha sección de consolidación, que xa elixiu aos seis primeiros proxectos. Estes poderán acceder a un programa de apoio integral e especializado de doce meses de duración.

A vacina galega, que suma novos apoios privados, a punto de iniciar ensaios en animais

A vacina galega contra o coronavirus liderada desde o Ciqus da Universidade de Santiago polo equipo de José Martínez Costas segue a ganar apoios, tanto públicos como privados. Se o proxecto se puxo en marcha nun principio cunha axuda inicial de 150.000 euros concedida polo Instituto de Salud Carlos III, do Ministerio de Ciencia e logo recibiu o respaldo económico do Banco de Santander, con 200.000 euros, agora acaba de obter unha achega de 20.000 euros por parte da empresa galega Urovesa, dedicada á construción de vehículos especiais de gran tonelaxe.

DATAlife, o hub de innovación dixital que lidera Bioga, porá a súa carteira de servizos a disposición do tecido empresarial a partir de outono

O hub de innovación dixital DATAlife foi presentado pola súa directiva aos axentes innovadores e aos protagonistas dos sectores produtivos aos que vai dirixido: biotecnoloxía, mar- industria, agroalimentación, forestal e saúde. A súa presidenta e tamén presidenta de Bioga, Carme Pampín, agradeceu o respaldo da Administración autonómica para pór en marcha o proxecto e puxo en valor o compromiso dos socios do hub.

Descobren unha tecnoloxía que mellora a eficiencia das células nai na medicina rexenerativa

Un equipo internacional de científicos descubriu unha nova tecnoloxía "rápida e sinxela" que permite conseguir células nai máis eficientes para a medicina rexenerativa, unha técnica que sería aplicable nas enfermidades nas que se sofre perda ou dexeneración celular. Mediante a introdución dunha molécula (o microRNA 203), o novo protocolo impulsa, tanto nun ser vivo como "in vitro", o potencial das células nai para que se especialicen en células adultas de distintos tipos, necesarias en numerosas afeccións musculares ou en alteracións do sistema nervioso.

Páxinas