Aeroxeradores con enerxía para abastecer a 300.000 fogares

Buscar

Susbcrición Newsletter

Introducir e-mail

Arquivo mensual

Vindeiros eventos

Non hai eventos polo momento

Medio centenar de aeroxeradores inaugurados hai 25 anos daban o pistoletazo de saída á carreira de Galicia por situarse como un punto xeográfico de referencia na xeración de enerxía eólica. O parque da Capelada, situado ao norte da provincia da Coruña, chegaba moito antes do desenvolvemento do potente plan de expansión de enerxías renovables de Endesa e nun momento no que a térmica das Pontes se atopaba en pleno rendemento. Desde ese parque de cincuenta aeroxeradores de 330 KW de potencia unitaria e cunha potencia conxunta de 16,5 MW, a carteira da compañía multiplicouse.

A través da súa filial de renovables, Enel Green Power España, Endesa ten un conxunto de 23 parques repartidos polas catro provincias e cunha potencia instalada de 564 MW. No último exercicio consolidado, onde apenas entraron en operación os últimos parques instalados, o reformado de Pena Ventosa e os de Paradela e Serra das Penas, que en conxunto achegan 64 MW en apenas 31 aeroxeradores, a eléctrica forneceu á rede 1.221 GWh de enerxía limpa por esta vía.

O futuro do vento

O salto cualitativo para a enerxía eólica no último cuarto de século foi notable. De ser un recurso practicamente residual a ser capaz de abastecer a 300.000 fogares. «A produción do 2019 achegouse moito ao que previramos, segundo as estatísticas históricas. Foi, por tanto, un ano satisfactorio neste aspecto», detalla Julio Lozano, o responsable de Operación e Mantemento da área oeste de Enel Green Power España, quen resalta o potencial deste tipo de enerxía pola elevada velocidade media do vento.

«Galicia ten unhas condicións moi boas para o aproveitamento eólico. Dispomos de moitas horas de vento axeitado para a produción. No outono e inverno, as borrascas dannos vento do suroeste e no verán os anticiclóns fan que sopre o nordés. Ademais, en Galicia temos un altísimo nivel de cualificación e experiencia no capital humano das empresas que prestan servizos especializados de operación e mantemento de parques eólicos», explica.

Fonte: La Voz de Galicia