Actualidade

Buscar

Susbcrición Newsletter

Introducir e-mail

Arquivo mensual

Vindeiros eventos

Non hai eventos polo momento
  • Investigadores de Lugo buscan relanzar a sidra galega

    Seleccionar as variedades de mazá de maior calidade, potenciar o seu cultivo, avaliar os consumidores e poñer a punto técnicas de elaboración que permitan relanzar a produción e comercialización de sidra galega. Estes son os obxectivos que persegue un proxecto de investigación promovido por un equipo da Escola Politécnica Superior de Lugo e que, coordinado por Belén Díaz Hernández, está previsto que finalice en setembro.

  • O aeródromo de Rozas será un centro nacional de investigación aeronáutica

    O Goberno central abre o aeródromo de Rozas, no concello lucense de Castro de Rei, á investigación, experimentación, desenvolvemento de proxectos e divulgación no campo da aeronáutica a través dun convenio polo que cede estas instalacións ao Instituto Nacional de Técnica Aeronáutica (Inta), dependente do Ministerio de Defensa. 

  • Empresas e investigadores galegos traballan en 162 proxectos sanitarios innovadores

    Dispositivos de telemedicina, asistencia remota, localización, xestión electrónica de historias clínicas ou de centros sanitarios son a unión de dous elementos que a Xunta quere potenciar como fonte de riqueza e emprego: a saúde e a tecnoloxía. A Secretaría Xeral de Modernización e Innovación Tecnolóxica recompilou todos os proxectos innovadores no ámbito sociosanitario en Galicia. Pretende coñecer o que hai e orientar así as súas políticas.

  • A Comunidade Europea aproba a creación dun imposto de sociedades europeo

    Bruxelas aprobou hai uns días o proxecto de creación dun imposto de sociedades europeo. As empresas que o desexen poderán presentar unha soa liquidación de resultados para toda Europa, aínda que a parte de negocio asignada a cada país se seguirá gravando co tipo impositivo nacional.

  • O Parque Científico e Tecnolóxico Cartuja 93 inaugura un centro para destapar xenes enfermos

    O proxecto Xenoma Médico, unha das xoias da coroa da investigación andaluza, botou a andar de xeito oficial. A conselleira de Saúde, María Jesús Montero inaugurou as instalacións do programa, cun presuposto inicial de 17,6 millóns de euros. O centro está situado no Parque Científico e Tecnolóxico Cartuja 93 e xa acolle parte da vintena de investigadores que traballarán nel.

  • Sete centros de investigación unen forzas para deseñar o envase do futuro

    Alongar a vida útil dos alimentos constitúe un factor clave para a competitividade das empresas e para a seguridade e comodidade dos consumidores. Sete centros tecnolóxicos españois, entre os que se atopa o galego ANFACO-CECOPESCA; subscribiron unha alianza estratéxica para desenvolver envases intelixentemente activos, capaces de mellorar os procesos de conservación.

  • A empresa Miraveo, con sede en Silicon Valley, instálase no Parque Tecnolóxico BCNord

    A empresa Miraveo, que desenvolve e comercializa un sistema que permite establecer redes para comunicarse e compartir arquivos en ámbitos locais mediante dispositivos móbiles, instalouse no Parque Tecnolóxico Barcelona Nord.

  • Un escáner de man para diagnosticar o cancro

    Un equipo de científicos da Universidade de Harvard e do Instituto de Tecnoloxía de Massachusetts creou un aparato lector que pode detectar o cancro nunha hora.

  • Nove empresas e once hospitais alíanse para investigar ingredientes máis sans

    Un total de nove empresas e outros once hospitais e centros de investigación españois aliáronse nun proxecto "pioneiro que busca coñecer beneficios saudables dos alimentos a través de investigación científica e métodos innovadores reservados ata agora case á industria farmacéutica".
  • As empresas buscan clientes nas redes sociais e o móbil

    "Todo cambiou". Esta frase repetiuse sen parar nos corredores e relatorios dunha das feiras de mercadotecnia dixital máis concorrida en España, a OMExpo, celebrada en Madrid.

Páxinas