Seleccionaranse 10 proxectos finalistas que entrarán a formar parte desta quinta xeración de emprendedores, dos cales dous deles serán premiados cunha mención especial polo seu proxecto como Innovador do Ano e Innovador Social.
Ademais, grazas á colaboración da Fundación Rafael del Pino, os 10 finalistas farán unha viaxe de formación a Boston, onde se atopa un dos mellores ecosistemas de emprendemento e innovación a nivel mundial e onde poderán ter encontros e talleres con expertos, así como visitar as instalacións de empresas importantes.
Segundo indica Pedro Moneo, director en España de MIT Technology Review, "os innovadores que seleccionamos están a traballar en proxectos que se augura que impacten na sociedade, nun futuro non moi distante". "Son novos que están a resolver problemas de forma moi innovadora e que melloran millóns de vidas", engade.
¡Participa nos Premios MIT!
Se es un emprendedor innovador, participa na convocatoria de España aberta ata o 18 de agosto, enchendo un formulario de inscrición cos teus datos persoais. Cando finalice o prazo será o xurado, composto por expertos tecnólogos, líderes de opinión e académicos, o que analizará os emprendedores con innovacións de distintos sectores.
Nas pasadas edicións, os emprendedores levaron a cabo proxectos nos principais sectores da tecnoloxía e a innovación como microrrobots capaces de transportar espermatozoides, descontaminar a auga e entrar en células canceríxenas, ou mesmo sensores intelixentes destinados a transferir información á nube e novas formas de pagamentos internacionais.
(Fonte: Technology Review)
