Newsletter

Buscar

Susbcrición Newsletter

Introducir e-mail

Vindeiros eventos

Non hai eventos polo momento

Case a punto a guía para integrar na paisaxe os polígonos empresariais

A Consellería de Medio Ambiente, Territorio e Vivenda ultima a elaboración da Guía de boas prácticas para a integración paisaxística de áreas empresariais co obxectivo de que poida ser publicada a finais deste ano. O director do Instituto de Estudos do Territorio, Enrique de Salvador, e o director xeral do IGVS, Heriberto García, mantiveron unha reunión técnica na que avaliaron tanto a estrutura definitiva da guía como a súa ensamblaxe coa Lei de Áreas Empresariais de Galicia, aprobada polo Consello da Xunta o pasado mes de abril.

Galicia poderá producir 100.000 toneladas de hidróxeno verde ao ano

As enerxías renovables serán fundamentais no futuro, e, de feito, xa o son tamén no noso presente. Nun mercado cos prezos da electricidade tan disparados como o actual, sumido na crise dos combustibles fósiles e cuxo obxectivo é contaminar o menos posible, é evidente que hai que buscar formas de manter o noso modo de vida que pasen por alternativas máis respectuosas co medio ambiente (e tamén co peto).

Máis de mil empresas da provincia fan uso da intelixencia artificial

A Real Academia Española define a intelixencia artificial como a disciplina científica que se ocupa de “crear programas informáticos que executan operacións comparables ás que realiza a mente humana, como a aprendizaxe ou o razoamento lóxico”. A revolución da que abrevian como IA no sector é silenciosa en Ourense, pero está a despuntar: máis de 1000 empresas da provincia xa empregan tecnoloxías de intelixencia artificial nos seus procesos. As aplicacións son infinitas, da informática á sanidade, pasando polo lecer.

Galicia conta cunha nova liña de axudas directas ás empresas para reforzar o seu pulo innovador

O Goberno galego, a través da Axencia Galega de Innovación (Gain), convoca unha nova liña de axudas directas destinada a microempresas e pemes que ten como obxectivo “mellorar con carácter inmediato a súa capacidade de innovación como ferramenta para fomentar a competitividade empresarial en Galicia”. Cun orzamento dun millón de euros, os Bonos de Innovación pretenden chegar a 50 beneficiarios poñendo o foco nas firmas que incorporan por primeira vez o factor transformador na súa estratexia.

A Xunta licita o proxecto do Centro de Ciberseguridade de Galicia co obxectivo de que sexa realidade a mediados de 2025 cun investimento de 4,2M€

A Xunta de Galicia licitou o proxecto do Centro de Excelencia en Ciberseguridade de Galicia co obxectivo de que sexa unha realidade a mediados de 2025, logo dun investimento de 4,2 millóns de euros. O conselleiro de Facenda e Administración Pública, Miguel Corgos, e a conselleira de Infraestruturas e Mobilidade, Ethel Vázquez, xunto coa directora da Axencia Galega de Innovación, Patricia Argerey, presentaron este proxecto en San Cibrao das Viñas, onde se emprazará o equipamento.

A Tecnópole, un referente para a tecnoloxía con máis dun centenar de empresas

Se falamos de tecnoloxía na provincia de Ourense, a Tecnópole é necesariamente un referente para calquera empresario do sector. O proxecto de capital mixto, e que se atopa liderado pola Xunta, cumpre trinta anos de historia con máis dun centenar de empresas.

Aínda que a súa actividade vai máis aló do sector tecnolóxico, o certo é que varias das sociedades que lideran o ranking ourensán das TIC atópanse nas súas instalacións. É o caso de Primux Trading e Egatel, que lideran a fabricación de compoñentes tecnolóxicos desde as instalacións que teñen no Parque Tecnolóxico de Galicia.

O CITI viu nacer 25 proxectos de I+D+i en catro anos

O Centro de Investigación, Transferencia e Innovación (CITI) de Ourense naceu no ano 2005, creado pola Universidade de Vigo en colaboración coa Xunta. O seu obxectivo era potenciar o desenvolvemento en I+D+i nas empresas, así como promover a unión entre industria e universidade. Segundo os datos que rexistra o centro ourensán, nos últimos catro anos, un total de 25 empresas, organismos públicos e grupos de investigación (nacionais e internacionais) usaron as súas instalacións, o que supuxo unha facturación por servizos duns 11.000 euros de media anual.

Coren busca alternativa ao cereal de Ucraína en Brasil ou Canadá

O Grupo Coren conseguiu aprovisionarse de cereal ucraíno de forma provisional, un dos seus provedores fundamentais até a invasión rusa. Chegou a Galicia o primeiro barco de millo procedente deste país desde o inicio do conflito bélico, con case 20 millóns de quilos de millo para a subministración do sector alimentario galego. Coren destaca que “é importante de cara a garantir o abastecemento de cereais polo bloqueo do mercado tanto ucraíno como ruso, que eran dous produtores moi importantes”.

Gardas civís fórmanse con Aerocámaras como pilotos de drons para actuar en emerxencias e orde pública

A versatilidade dos drons posibilita que, tanto a Garda Civil como outros corpos policiais, caso da Policía Local de Poio, poidan empregalos en numerosos escenarios de intervención. Desde aqueles operativos enmarcados na procura e rescate de persoas até todo tipo de emerxencias, pasando pola xestión do tránsito de vehículos, accidentes de tráfico, control forestal e de fronteiras, incidentes ambientais... Son todos escenarios nos que os axentes poden botar man dunha aeronave non tripulada para acometer distintos labores.

Roberto Verino: “A moda foi o motor que trouxo a innovación social e industrial a Galicia”

“A moda foi para Galicia un motor de innovación social, industrial e económico fundamental e transformador”, declaraba Manuel Roberto Marino Fernández (Verín, 1945), o deseñador de moda que logrou traspasar fronteiras como Roberto Verino e edificou a súa firma téxtil sobre un apelido adoptado en homenaxe ás súas raíces.

As empresas TIC facturaron case 80 millóns en plena pandemia

No ranking de facturación das empresas ourensás asoman cada vez con máis frecuencia sectores emerxentes que están vencellados ás novas tecnoloxías. As denominadas TIC son aquelas que teñen actividade económica, tanto de tipo industrial como de servizos, relacionada co negocio da información e a comunicación. De acordo cos datos do último informe Ardán, elaborado polo Consorcio da Zona Franca de Vigo, as sociedades ligadas a este sector facturaron en 2020, xa coa pandemia polo medio, preto de oitenta millóns de euros e conta con 34 empregados.

As empresas do Clúster da Madeira facturaron 1774 millóns

A cadea monte-industria é un sector en alza. Demóstrano os datos de facturación das empresas que están asociadas ao Clúster da Madeira, que alcanzaron o ano pasado os 1774 millóns de euros. A cifra non só representa un 18% máis que no exercicio anterior, tamén equivale ao 90% da facturación total do sector.

Páxinas