Newsletter

Buscar

Susbcrición Newsletter

Introducir e-mail

Vindeiros eventos

Non hai eventos polo momento

Tres estudantes de Aulas Tecnópole, premiados na feira científica Exporecerca de Barcelona

O Parque Tecnolóxico de Galicia está a desenvolver ao longo deste curso a duodécima edición das Aulas Tecnópole, dirixidas a espertar vocacións científicas e incentivar o espírito emprendedor entre o alumnado de 12 a 18 anos. Tal como explica o coordinador desta iniciativa, David Ballesteros, “durante o curso os rapaces traballan nun proxecto de investigación que lles atrae e logo presentámolos a feiras e congresos para darlles visibilidade”.

Roberto Verino, catro décadas de feminismo e sostibilidade

O que sabe de moda aprendeuno en París. Roberto Verino quedou prendado do oficio mentres estudaba Belas Artes na capital francesa. Unha paixón que quixo compartir cos seus comezando un negocio na súa terra, a localidade ourensá de Verín. De aí o seu apelido “artístico”. O do DNI, Mariño, é ben coñecido nunha contorna rural que, até entón, non tiña tradición na industria téxtil.

O sector da madeira prepárase para dar o salto

O vicepresidente segundo e conselleiro de Economía, Empresa e Innovación, Francisco Conde, destacou que a nova Axenda da Industria Forestal 2022-2024 nace da concienciación colectiva de toda a cadea de valor do sector da madeira para lograr dar un salto de calidade en materia de competitividade, diversificación, sustentabilidade e formación.

A Universidade de Vigo é a primeira de Galicia en ensaiar a tecnoloxía 5G no campus

Vigo converteuse na primeira universidade galega en probar as vantaxes da tecnoloxía 5G en ámbitos como a seguridade ou a xestión da mobilidade. Os test consistiron en medir o tráfico no campus e realizáronse entre a Escola de Enxeñaría de Telecomunicación e o centro de investigación atlanTTic. Participaron tamén Optar Solutions, Orange, Ericsson e Amtega. Forman parte do Plan Nacional 5G financiado por Rede.es.

O futuro da industria da moda, na madeira dos bosques

«Hai que pór fin a tirar todos os días camións cheos de roupa», asegurou Kirsi Terho, directora de contas de Infinited Fiber, unha empresa finlandesa dedicada a elaborar novas fibras téxtiles reciclando as que xa están usadas. É hora de converter a industria téxtil, considerada unha das máis contaminantes, nun sector sustentable, cuxos produtos poidan ser reutilizados unha e outra vez e non deixen nin rastro no medio ambiente unha vez remate a súa vida útil.

O 43,06% das empresas TIC galegas contratan mulleres especialistas en tecnoloxía

O 43,06% das empresas que empregan especialistas en tecnoloxía en Galicia contratan mulleres con esta especialidade, unha porcentaxe que só superan Madrid cun 44,26%, e Estremadura cun 43,94%, segundo os datos do Instituto Nacional de Estatística.

As pemes xa poden solicitar o bono do Kit Dixital

O Goberno publicou a primeira convocatoria de axudas, por importe de 500 millóns de euros, do programa Kit Dixital, que ten unha dotación total de 3067 millóns dos fondos Next Generation da Unión Europea, recollida no Boletín Oficial do Estado (BOE). O programa Kit Dixital está dirixido a dixitalizar as empresas de entre 10 e 49 empregados e aos autónomos, aos que ofrece bonos por valor de 12.000 euros para poder adquirir as solucións que ofrece o programa Kit Dixital.

Haberá unha nova marca para as empresas que aposten pola igualdade

A Xunta porá en marcha a certificación galega de excelencia en igualdade, unha marca que ultima no seo do diálogo social para distinguir ás empresas galegas comprometidas coa igualdade entre mulleres e homes e que fomenten o benestar laboral entre os seus traballadores. Trátase dun recoñecemento público ás compañías que sexan exemplo de boas prácticas neste ámbito.

O Parque Tecnolóxico de Galicia presenta o Plan Estratéxico 2022-2024 co que agarda consolidar a actividade empresarial a través da innovación e a sustentabilidade

O Consello da Xunta do 3 de marzo coñeceu o Plan Estratéxico 2022-2024 do Parque Tecnolóxico de Galicia co que a entidade agarda abrir unha nova etapa de crecemento e consolidación da actividade empresarial, apostando pola innovación e a sustentabilidade para captar investimentos e atraer e reter talento.

Smartgecko, a solución 4.0 para os almacéns do futuro (Tecnópole)

O auxe do comercio electrónico implica respostas loxísticas cada vez máis precisas e rápidas, nas que a xestión do almacén é un punto crítico para as empresas. A esta necesidade trata de dar resposta SMARTGECKO, unha solución que combina recursos punteiros baseados na intelixencia artificial para avanzar cara a un modelo de almacén 4.0 que permitan acompañar ao crecemento do e-commerce.

Coasa especializa a trinta mozos en fabricar pezas para avións

Ourense gañou o seu oco no mapa do sector aeronáutico en España. A nivel formativo, vencéllase á Escola de Enxeñaría Aeronáutica e de Espazo do Campus de Ourense. Con todo, a canteira de enxeñeiros do sector non é a única vía para lograr un traballo no mesmo. No Parque Tecnolóxico de Galicia, en San Cibrao das Viñas, atópase o denominado Centro de Estudos Aeronáuticos.

Drons galegos de inspeccións revolucionan parques eólicos de México, Chile e Brasil

A empresa Aerocamaras desenvolveu un sistema que permite abaratar custos á vez que se inspeccionan grandes superficies en tempo récord, facilitando o acceso a zonas complicadas e detallando o estado da estrutura con diferentes clases de medicións. Jaime Pereira, CEO da empresa, di que “o sector pedía a berros un cambio e os drons destapáronse como a solución". 

Páxinas