Newsletter

Buscar

Susbcrición Newsletter

Introducir e-mail

Arquivo mensual

Vindeiros eventos

Non hai eventos polo momento

A Xunta inxecta na UVigo 8 millóns para I+D e dixitalización

A Universidade de Vigo e a Xunta de Galicia asinaron dous convenios de colaboración polos que o Goberno galego inxectará na institución académica algo máis de oito millóns de euros entre o que queda de ano e 2022 co fin de reforzar as estruturas e os programas de investigación avanzada e consolidar o proceso de dixitalización impulsado por mor da pandemia.

A automoción perderá 180.000 millóns pola escaseza global de semicondutores

Os cortes na produción da industria do automóbil, vencellados á falta de materiais semicondutores, seguirá afectando o sector no que queda de ano. A crise dos microchips terá un custo para a automoción a nivel mundial de 210.000 millóns de dólares (uns 179.150 millóns de euros) en vendas en 2021, segundo unha recente estimación da consultora AlixPartners. Unha cifra que case duplica os 110.000 millóns de dólares (uns 93.840 millóns de euros) estimados o pasado maio.

O PERTE do coche eléctrico e conectado enraíza en Galicia da man do CTAG

O PERTE (Proxecto Estratéxico para a Recuperación e Transformación Económica) do Vehículo Eléctrico e Conectado, que canalizará boa parte dos fondos europeos que se destinen á industria do automóbil nos vindeiros anos, terá ao Centro Tecnolóxico da Automoción de Galicia (CTAG) como socio de referencia. De feito, é o único consorcio especializado en España en validación de tecnoloxías de mobilidade do coche conectado e autónomo.

A educación é clave para atraer as mulleres ás STEM

En 20 anos a presenza feminina na área tecnolóxica só aumentou dun 33% a un 37%. Nun contexto no que as empresas cada vez necesitan máis persoas dedicadas á enxeñaría, prescindir da metade do talento é un luxo que a sociedade non se pode permitir, pero por moito que se fale diso, custa atopar cambios que se levaron á práctica.

As pemes españolas melloran o seu nivel de dixitalización

As pequenas e medianas empresas son unha figura clave do tecido económico español, tanto pola súa alta representación, o 97%, como pola súa transcendencia no día a día. Este tipo de empresas tivo que adaptarse de forma inesperada aos cambios producidos pola Covid-19 co obxectivo de sobrevivir e sacar adiante o negocio. A forma de adaptarse foi a transformación dixital.

Tecnópole acolle a primeira Aula Newton permanente de España

O Parque Tecnolóxico de Galicia vai acoller a primeira Aula Newton permanente de España. Trátase dunha aula de aprendizaxe de ciencias, tecnoloxía, enxeñaría e matemáticas; destinada a promover as carreiras científicas e tecnolóxicas entre os mozos cun enfoque totalmente práctico e moi innovador. É unha iniciativa promovida conxuntamente pola multinacional Boeing, a organización sen ánimo de lucro FIRST Scandinavia, a Xunta de Galicia e Tecnópole.

Banco Santander lanza 'Hucha Santander' para fomentar o microaforro nas súas canles dixitais coa axuda de Coinscrap (Tecnópole)

Banco Santander lanzou “Hucha Santander”, unha nova ferramenta de microaforro para as súas canles dixitais (app e web) que permite aos clientes alcanzar obxectivos de aforro mediante a configuración de regras automáticas, como o redondeo de compras ou as achegas periódicas.

Roberto Verino reorganiza a súa estrutura e acelera para regresar en 2021 ao volume pre-Covid (Tecnópole)

Roberto Verino deixa atrás a Covid-19 e prepara a súa estrutura para o futuro. A firma galega, unha das máis representativas do deseño de autor de España, remata 2021 completando unha reorganización que comezou en 2019 coa creación dunha dirección dividida en dúas: Dora Casal, directora executiva, e Cristina Mariño (filla do fundador), directora de marca. A empresa, que en 2020 perdeu a barreira dos 30 millóns de euros polo impacto da Covid-19, prevé recuperar en 2021 a facturación de 2019 e regresar a números negros.

Adolfo Domínguez aposta por materiais e coleccións con selo ourensán (Tecnópole)

Unha tenda sustentable na rúa do Paseo de Ourense con materiais pouco tratados quimicamente e de proximidade é a nova aposta da marca Adolfo Domínguez -dirixida agora polas súas fillas Adriana e Tiziana-. Lousa, madeira de castiñeiro e morteiro de cal nas paredes -non están pintadas-. “De onde somos e de onde vimos condiciónanos profundamente”, apuntou Tiziana Domínguez.

Crean unha ferramenta bioinformática para analizar as posibles variantes xenéticas do coronavirus

O Instituto de Investigación Sanitaria de Santiago de Compostela (IDIS) creou unha ferramenta que facilita a investigadores e unidades hospitalarias que producen secuencias do coronavirus de pacientes con Covid poder aliñalas co xenoma de referencia do SARS-CoV-2. A plataforma de análise CovidPhy, creada polos investigadores Antonio Salas e Federico Martinón, tamén permite coñecer os xenomas que máis impacto tiveron en brotes froito de grandes eventos de supercontaxio.

A burbulla eólica en Galicia

Cantos proxectos para aproveitar o vento como fonte de enerxía en Galicia se tramitan nestes intres? É difícil sabelo. Cada vez hai máis e desde a entrada da documentación nas administracións á publicación oficial pasan meses, pero as solicitudes de conexión á rede eléctrica ilustran moi ben o que está a pasar nas renovables en xeral e na eólica en particular. Galicia acumula 9300 MW en parques que teñen ese paso completado.

Bruxelas calcula que a escaseza de microchips se prolongará durante 18 meses

As medidas que se están tomando na Unión Europea para facer fronte á escaseza de semicondutores -tan importantes para o funcionamento de diversas industrias, como a automobilística- tardarán aínda un tempo en dar resultados. Así o admitiu o comisario europeo do Mercado Interior, Thierry Breton, quen fixou unha pinza temporal duns 18 meses.

Páxinas