Tecnópole incrementou un 21,4% os seus ingresos durante o exercicio 2011, mantendo a facturación por servizos e alugueres e incrementando o financiamento para a realización de proxectos, ademais da súa actividade como entidade colaboradora do Ministerio de Economía e Competitividade para tramitar as axudas a empresas instaladas en parques científicos e tecnolóxicos.
Tecnópole estivo presente no Foro Tecnolóxico de Emprego celebrado a semana pasada pola Universidade de Vigo para difundir os seus instrumentos de apoio ao emprendemento innovador entre os mozos asistentes. A través dun stand na área de empresas colaboradoras, os universitarios puideron acceder a toda a información necesaria sobre as incubadoras que oferta Parque Tecnolóxico de Galicia.
A Consellería de Traballo abriu o prazo de solicitude do seu programa de incentivos ás empresas cualificadas como iniciativas de emprego de base tecnolóxica (IEBT), cofinanciado polo Fondo Social Europeo. Estas axudas, cuxas bases foron publicadas no Diario Oficial de Galicia o 13 de marzo, poderán solicitarse ata o 30 de setembro de 2012.
A Caixa e a Empresa Nacional de Innovación (Enisa) convocaron a sexta edición do Premio Emprendedor XXI, o galardón para este colectivo de empresarios con maior dotación económica do país, con galardóns para 42 firmas e unha gratificación principal de 100.000 euros para a compañía máis innovadora de España.
Spain Startup & Investor Summit, foro de emprendemento promovido por IE Business School, Infoempleo e FCP Financial Communication Platforms, abriu este 15 de marzo o prazo para inscribir proxectos de emprendemento innovador para participar na Startup Competition. O evento celebrarase do 6 ao 8 de xuño en Madrid.
Investigadores da Universidade Tecnolóxica de Viena desenvolveron un método de impresión en 3D co que poden crear esculturas tan pequenas como un gran de area nunha fracción do tempo que se requiría previamente, o que supón unha marca mundial de velocidade en nanotecnoloxía.
Co abaratamento das técnicas para ler e analizar o xenoma, cada vez máis persoas encargan a secuenciación do seu. Aínda falta para que a información que contén sexa descifrada por completo, pero coñécense xa numerosas variantes xenéticas asociadas ao risco de padecer tal ou cal enfermidade. E na clínica, o diagnóstico e o tratamento de varios tipos de cancro faise en función do perfil xenético de cada paciente.
Por cuarto ano consecutivo, o grupo enerxético E.ON organizou unha nova edición dos Premios de Investigación E.ON. Os gañadores deste ano son tres equipos de investigación procedentes de España, Italia, Reino Unido e Alemaña, que enviaron os seus proxectos baseados no tema central deste ano: o Fogar Intelixente. A compañía financiará estes proxectos con ao redor dun millón de euros en total.
Investigadores do BarcelonaTech da Universidade Politécnica de Cataluña deseñaron unha parede virtual de alta resolución que permite ver e manipular obxectos en 3D e que está equipada cunha 'lanterna máxica' que posibilita 'penetrar' e explorar o corpo humano proxectado dende a pel ata os ósos.
As persoas con problemas de visión poden descargarse xa nos seus dispositivos móbiles de pantalla táctil a aplicación Loowi desenvolvida para facilitar o uso do terminal grazas a un deseño de sinxelas iconas de gran tamaño e contraste, ademais dun sistema de vibración e voz que guía o usuario. A aplicación foi desenvolvida por enxeñeiros da Universitat Jaume I, en colaboración coa empresa Raylight e o Instituto Tecnolóxico de Óptica, Cor e Imaxe.
A interface cerebro computadora é algo así como un cerebro de chips que axuda ao cerebro humano, danado por calquera razón. Unha tecnoloxía que se basea na adquisición de ondas cerebrais para logo ser procesadas e interpretada por unha máquina ou ordenador. Diversas universidades traballan nesta combinación de tecnoloxía e técnica. No campus de Wurzburgo (Alemaña) presentaron un destes dispositivos, que pode axudar a activar os músculos de parapléxicos.
Unha tecnoloxía a partir dunhas novidosas baldosas deseñadas con materiais reciclables, presentada en Madrid, converte a enerxía cinética das pisadas en enerxía renovable, cunha eficiencia corenta veces superior á solar.
