Galiciencia é a maior feira científica que se celebra na nosa comunidade, promovida polo Parque Tecnolóxico de Galicia -Tecnópole- desde o ano 2006. Busca achegar a ciencia á sociedade, en particular aos estudantes de Primaria, Secundaria, FP e Bacharelato. Desenvólvese en colaboración coa Consellería de Economía, Industria e Innovación e a Fundación Española para la Ciencia y la Tecnología – Ministerio de Ciencia e Innovación. Esta 18ª edición celebrarase no mes de maio, co lema “Aeronáutica e Aeroespacial”.
Hispamoldes, a planta ourensá que fabrica pezas en inxección para diferentes provedores, cambia de donos e pasa a estar controlada polo grupo italiano SAPA, que adquiriu unha participación maioritaria da compañía. A operación pechouse con Quarza Inversiones, un fondo de investimento fundado no ano 2019 por Cristian Abelló e que, segundo indicaron fontes oficiais, continuará formando parte do accionariado de Hispamoldes.
No conxunto do territorio galego, as vendas das compañías téxtiles supuxeron unha facturación de 1.365 millóns de euros; é dicir, o 44,2% de todas as pezas fabricadas en España. En Ourense son tres as firmas que aglutinan boa parte deste pastel: Adolfo Domínguez, Lonia Téxtil e Roberto Verino, tres históricos do sector que o pasado ano amosaron a súa boa saúde e recuperación tras o pau da pandemia.
O vicepresidente primeiro e conselleiro de Economía, Industria e Innovación, Francisco Conde, anunciou que o Goberno galego creará un consello empresarial para coordinar actuacións pola vía da colaboración público-privada no sector aeroespacial en Galicia, que estará integrado por empresas galegas e reunirase periodicamente para axudar na toma de decisións.
A nosa comunidade é exemplo de igualdade no campo da biotecnoloxía, segundo a radiografía que se desprende da “Estatística sobre o uso de Biotecnoloxía”, publicada polo Instituto Nacional de Estatística (INE). A autonomía gañou 100 novas investigadoras en 2021 fronte ao 2020, unha boa cantidade tendo en conta que na última década, entre 2011 e 2021, aumentaron en 392.
A comunidade galega é hoxe unha das dez que máis usa a tecnoloxía da intelixencia artificial a nivel empresarial. Segundo o Observatorio da Sociedade da Información e Modernización de Galicia (Osimga), que impulsa a Axencia para a Modernización Tecnolóxica de Galicia (Amtega), dependente da Xunta, dez de cada cen empresas de dez ou máis traballadores con sede ou actividade en Galicia utilizaban intelixencia artificial en 2022, superando en 1,9 puntos porcentuais a media estatal.
O Foro Económico Mundial advertiu que a ciberseguridade é o oitavo maior risco ao que deberá plantar cara o mundo neste 2023. O informe Microsoft Digital Defense Report 2022 puxo algunhas cifras moi preocupantes sobre a mesa. Os ataques de ransomware aumentaron un 150% en 2021 e calcúlase que cada segundo se producen 579 vulneracións de contrasinal.
As constantes transformacións do mundo dixital fan que o mercado laboral requira novas capacidades e perfís. Á cabeza da demanda están hoxe as titulacións STEM, un termo acuñado na década dos 90 para referirse ás disciplinas de ciencia, tecnoloxía, enxeñaría e matemáticas que non fixo máis que gañar protagonismo. E é que a procura de profesionais formados nestas áreas disparouse nos últimos anos, tanto que a oferta queda curta e as empresas sofren para cubrir as súas necesidades de perfís STEM.
Apostar polo talento das pequenas e medianas empresas galegas que queren dar o salto á internacionalización. Ese é o obxectivo final do programa Galicia Avanza, que organiza a Xunta de Galicia e que ten a súa sede no Parque Tecnolóxico de Galicia, situado en San Cibrao das Viñas (Ourense). Entre as trinta empresas que participaron na edición de 2022 desta aceleradora para a exportación atópanse firmas vencelladas ao sector tecnolóxico, ao biotech, así como os servizos, o ámbito sanitario ou a automoción.
Galiciencia é a maior feira científica que se celebra na nosa comunidade, promovida polo Parque Tecnolóxico de Galicia -Tecnópole- desde 2006. Busca achegar a ciencia á sociedade, en particular aos estudantes de Primaria, Secundaria, FP e Bacharelato. Desenvólvese en colaboración coa Consellería de Economía, Industria e Innovación e a Fundación Española para la Ciencia y la Tecnología – Ministerio de Ciencia e Innovación. Esta 18ª edición celebrarase no mes de maio, co lema “Aeronáutica e Aeroespacial”.
A directora da Axencia Galega de Innovación (GAIN), Patricia Argerey, visitou no Porriño a sede da empresa tecnolóxica Quobis Networks, centrada principalmente en servizos de consultoría de redes a operadores de telecomunicacións e grandes empresas, ámbito do que é un referente galego, estatal e europeo. Na súa estadía Argerey comprobou os avances en materia de novos mercados da empresa galega, proceso no que foi apoiada pola aceleradora Galicia Avanza, posta en marcha por GAIN, o IGAPE e a Tecnópole en 2022.
O programa de aceleración para a internacionalización de pemes galegas “Galicia Avanza” poñíase en marcha en 2022 como resultado da colaboración entre a Vicepresidencia primeira e Consellería de Economía, Industria e Innovación -a través da Axencia Galega de Innovación (Gain) e do Instituto Galego de Promoción Económica (Igape)- e o Parque Tecnolóxico de Galicia (Tecnópole). Na primeira edición, que acaba de concluír, participaron 30 pemes innovadoras e/ou de base tecnolóxica de toda a comunidade. Xa está en marcha a segunda convocatoria do programa, á que poden acceder outras 30 pemes.
