Newsletter

Buscar

Susbcrición Newsletter

Introducir e-mail

Vindeiros eventos

Non hai eventos polo momento

A automoción galega alcanza os mellores resultados da súa historia en plena pandemia

Antes da pandemia estaba previsto que o 2020 fose un ano de marca para a automoción galega, porque ese exercicio culminaba o plan de lanzamentos de Stellantis Vigo (aínda Grupo PSA). Co Peugeot 2008 e a gama de vehículos comerciais das marcas Peugeot, Citroën, Opel e Toyota saíndo a un ritmo de máis de 2000 unidades ao día, a multinacional e a súa rede de máis de 100 provedores de compoñentes implantados en Galicia e norte de Portugal tiñan marcado o obxectivo de rozar os 600.000 coches fabricados no 2020.

Un consorcio galego deseña unha ferramenta para a xestión do monte con drons

A directora da Axencia Galega de Innovación, Patricia Argerey, asistiu no Centro Experimental Áncora, no municipio lucense de Cervo, á xornada de peche do proxecto liderado por un consorcio de empresas galegas para desenvolver unha ferramenta que permitirá a xestión “dixital e sustentable do monte” a través do uso de drone. No consorcio participan as empresas galegas Aeromedia, Cerna, Balidea e Greenalia, e conta coa colaboración da Universidade de Santiago (USC), o Instituto Tecnolóxico de Galicia (ITG) e a Xunta.

O sector forestal, unha grande oportunidade

A madeira pasou de ser percibida como un material do pasado, a ser un símbolo de futuro, un garante da sustentabilidade do planeta. Está chamada a marcar o futuro da construción. Trátase do único material de construción renovable, cultívase naturalmente e elimina o CO2 da atmosfera. A súa produción e procesamento utiliza moita menos enerxía que outros materiais, o que outorga unha pegada de carbono significativamente menor.

O emprego en Galicia xerminará en empresas con músculo tecnolóxico

A gran pregunta que asalta a todos é: Ten Galicia capacidade para reabsorber os postos de traballo que se perderán coa crise? Cales serán os motores de emprego? Nas quinielas dos expertos a industria apunta alto, a pesar de que hoxe só representa o 14% do PIB galego. Extínguese a era do CO2, pero ábrese paso outra revolución. Só xerarán empregos «aquelas que teñan que ver co desenvolvemento das novas tecnoloxías: a Internet das cousas (IoT), Intelixencia Artificial (IA), a análise da información (big data), ciberseguridade, impresión de pezas en 3D...

Aberta a inscrición nos talleres de Galiciencia online 2021

Galiciencia é a maior feira científica que se celebra na nosa comunidade, promovida polo Parque Tecnolóxico de Galicia -Tecnópole- desde 2006. A súa finalidade é achegar a ciencia á sociedade, en especial aos estudantes de Primaria, Secundaria, FP e Bacharelato, contribuíndo a espertar neles as vocacións científicas. Conta co apoio da Xunta de Galicia, a través da Axencia Galega de Innovación (Gain); e coa colaboración da Fundación Española para la Ciencia y la Tecnología (FECYT) – Ministerio de Ciencia e Innovación.

Coren introduce o seu ‘Xamón Selecta de Castañas’ nunha cadea do Reino Unido

Dentro do seu plan de expansión, o grupo Coren introduce o seu Xamón Selecta de Castañas no mercado británico, concretamente nas principais cadeas de alimentación do país, entre as que destaca a recente implantación nos prestixiosos almacéns Fortnum & Mason. Trátase unha firma emblemática no Reino Unido que se distingue pola calidade da súa gama seleccionada de produtos e que conta cun gran recoñecemento por ser o provedor de alimentación da Casa Real británica desde hai máis de 150 anos.

O sector alimentario galego medra coa súa aceleradora

Un ano máis, a aceleradora do sector alimentario galego ofrecerá a distintos proxectos, de dentro e fóra de Galicia, os seus dous programas formativos: o de aceleración e o de consolidación, ambos para profesionalizar a súa actividade no mercado.

O téxtil quere fondos europeos para crear un selo de moda sostible

O téxtil, a confección e o calzado empregaban ao peche de 2020 a 126.594 persoas en toda España, un 7,8% menos que o ano anterior. Co estalido do coronavirus en España e a declaración do estado de alarma, o sector comezou a destruír emprego con descensos interanuais que chegaron ao 15,9% en xuño e xullo, até acabar o exercicio cunha marca de 10.764 postos de traballo menos.

A madeira gaña terreo na construción e arranxo de casas

A madeira vai gañando terreo na construción e arranxo de vivendas. Precisamente a demanda de rehabilitación de casas medrou coa irrupción da pandemia. Así o constatan desde Madeiras Besteiro, unha compañía lucense con noventa anos de experiencia no sector da madeira, desde a fabricación (tarimas, frisos, cociñas, molduras, armarios, estruturas e construción...) á distribución (madeira en bruto, vigas, illamentos, ferraxaría, chans, portas...).

A covid destapa o potencial da industria biotecnolóxica galega

A capacidade de Galicia para xerar talento científico, a costa tantas veces de que emigrase, era coñecida. O que sorprendeu máis a propios e estraños coa pandemia foi descubrir que, ademais de formar a investigadores, no territorio que cercan Os Ancares prodúcense medicamentos. E vacinas. En concreto, unha contra o coronavirus. A da farmacéutica norteamericana Novavax. A partir de abril, 200 millóns de doses contratadas sairán para toda a UE da nave da empresa Zendal no Porriño. Un fito, até a data, en España.

A eólica bateu un récord de xeración en 2020 en Galicia

A eólica marcou en 2020 un ano de récord en Galicia ao alcanzar unha xeración de 9992 gigavatios/hora (GWh), un rexistro que bate a que até agora era a mellor marca, alcanzada en 2013, cando os aeroxeradores produciron 9498 GWh. Con esta evolución, o aproveitamento do vento foi a primeira fonte de xeración ao achegar o 40,7% do total, un cociente que alcanzou o 75,7% ao sumar todas as fontes limpas, segundo o balance de 2020 elaborado por Rede Eléctrica de España.

A automoción é o sector con máis proxectos sostibles

O sector da automoción caracterizouse por ser o máis activo ao presentar proxectos que poidan ser financiados polos fondos de recuperación da Unión Europea. Así o declarou a ministra de Industria, Reyes Maroto: «O sector da automoción vai ter o primeiro Perte (Proxectos Estratéxicos para a Recuperación e Transformación Económica) polo interese amosado polas empresas e porque non pode perder o tren para o futuro».

Páxinas