Newsletter

Buscar

Susbcrición Newsletter

Introducir e-mail

Arquivo mensual

Vindeiros eventos

Non hai eventos polo momento

O Centro Tecnolóxico da Carne prevé investir 2,7 millóns de euros en proxectos

O Centro Tecnolóxico da Carne (CTC), situado en Tecnópole, prevé investir en 2019 un total de 2,7 millóns de euros nos proxectos de investigación que desenvolve en colaboración con empresas agroalimentarias e institucións do sector.

Durante o presente exercicio, o CTC ten previsto colaborar en polo menos 57 iniciativas de I+D+i. Sobre o seu balance de 2018, só no segundo semestre do ano desenvolvéronse 63 proxectos de I+D+i, case todos en colaboración con empresas e outras entidades do sector agroalimentario, cun investimento global mobilizado de case 22,5 millóns de euros.

Aberta ata o 1 de febreiro a convocatoria para impulsar a creación de Hubs de innovación dixital en Galicia

A Xunta de Galicia é a primeira administración española en lanzar unha convocatoria pública para impulsar a creación de Hubs de innovación dixital. Trátase dunha nova ferramenta contemplada na Iniciativa Europea de Dixitalización Industrial para lograr que a innovación dixital chegue ás empresas.

Os Hubs permitirán aliñar, de xeito eficiente, o coñecemento coas necesidades do tecido empresarial e os mercados facilitando, á súa vez, que a industria e as pemes poidan incorporar e integrar na súa estratexia de negocio diferentes servizos de innovación e tecnoloxías.

Eléctrico, autónomo e con voz: así é o coche que PSA Vigo oculta no búnker

O coche do futuro será eléctrico, terá funcións de condución autónoma, conexión 5G e asistente intelixente de voz, entre outras innovacións. E estará fabricado en Galicia. Así é o novo lanzamento que o grupo francés PSA asignou á planta de Vigo para a súa saída ao mercado a finais do 2019.

Gradiant presenta no CES das Vegas unha ferramenta para detectar manipulacións en documentos multimedia

O centro tecnolóxico Gradiant foi seleccionado por segundo ano consecutivo para participar no CES das Vegas, unha das feiras tecnolóxicas máis importantes do mundo e a maior en electrónica de consumo que se celebrará dende o 8 ao 11 de xaneiro. Na edición de 2018, foi visitada por máis de 180.000 persoas.

Unha adega pontevedresa inventa unha auga que sabe a viño

A adega galega Líquido Gallaecia, con sede en Cerdedo-Cotobade (Pontevedra), elaborou unha bebida de auga enriquecida que sabe a viño, grazas a unha colaboración coa Axencia Estatal do CSIC.

Segundo os inventores, nin engorda nin emborracha, porque non ten case calorías nin leva unha soa gota de alcohol. A clave é que a bebida incorpora flavonoles da uva e residuos da elaboración do viño, que, ademais, contén antioxidantes capaces de previr enfermidades como a diabete.

España lidera un proxecto para que os drons voen libremente por cidades

España, a través dun consorcio formado por Indra, o Centro avanzado de Tecnoloxías Aeroespaciais (FADA-CATEC), a Universidade de Sevilla, Enaire e o CRIDA (tamén coñecido como Centro de Referencia de Investigación, Desenvolvemento e Innovación en ATM), lidera un proxecto europeo -financiado pola Unión Europea, a través de H2020 e SESAR JU-, que pretende facilitar a irrupción dos drons en cidades e ámbitos rurais para prestar todo tipo de servizos na próxima década. O seu nome: Safedrone.

Tres startups que ían comer o mundo e naufragaron en 2018

Ano novo, vida nova. O trepidante carrusel que é o mundo das startups nunca deixa de rodar. Nin sequera as que conseguen levantar cifras millonarias, algo ao alcance dunhas poucas elixidas, están a salvo de perecer antes de consolidarse como empresa. Repasamos a continuación algunhas das perdas máis significativas durante 2018 do panorama emprendedor internacional.

Theranos, os tests de sangue milagrosos

A intelixencia artificial e outros 9 protagonistas de 2019

Unha intelixencia artificial que gañará madureza, a progresiva automatización de tarefas con dispositivos aos que o usuario se dirixirá por voz e un novo marco legal de privacidade que se consolidará, fronte a unha tecnoloxía 5G que en España seguirá sen despegar, serán tendencias tecnolóxicas en 2019.

Dez predicións para 2019 neste ámbito son as seguintes:

Intelixencia artificial "moito máis intelixente"

Tecnópole deséxavos un feliz día de Nadal

O equipo de Parque Tecnolóxico de Galicia deséxavos un feliz día de Nadal en compañía dos vosos. Agradecémosvos que sigades formando parte da comunidade Tecnópole e despedímonos ata 2019, que xa está á volta da esquina. Oxalá entredes no Ano Novo con moi bo pé, con moitas novas ideas e, sobre todo, con saúde para levalas a cabo.

Iforest leva o accésit do II Premio Cámara de Comercio ao Proxecto Innovador Forestal

Os emprendedores do proxecto Iforest, instalados en Tecnópole, recolleron hai uns días en Pontevedra o accésit do II Premio Cámara de Comercio ao Proxecto Innovador Forestal. Rodrigo Bravo e José M. Domínguez viron recoñecida así á súa iniciativa de poñer en marcha unha plataforma dixital para empresas e profesionais do sector forestal-madeira.

Coinscrap alíase con EVO Banco para axudar aos seus clientes a aforrar mentres gastan

A fintech Coinscrap, fundada en 2017 pola empresa de Tecnópole TxStockData, pechou un acordo con EVO Banco para ofrecer aos seus clientes un novo servizo que redondea as súas compras, cargos por recibos ou transferencias bancarias e converte a diferenza en aforro. O obxectivo de EVO Banco é incorporar á súa banca móbil un peto dixital amigable, eficaz e automatizado para que os seus clientes poidan alcanzar metas a curto ou longo prazo, dende a compra dun capricho ata diñeiro para a xubilación.

Unha maior dixitalización empresarial dispararía un 5% o PIB e crearía un millón de empregos anuais en España

A economía española podería aumentar en máis de tres puntos porcentuais a taxa de crecemento do 2,7% esperada para este ano, ata o 5%, se as empresas conseguisen adaptarse á transformación dixital, ao mesmo tempo que a creación de emprego pasaría das 500.000 persoas que agora se incorporasen ao traballo anualmente ao millón de novos postos de traballo cada ano.

Páxinas