Newsletter

Buscar

Susbcrición Newsletter

Introducir e-mail

Arquivo mensual

Vindeiros eventos

Programa Re-Acciona Innovación

Tecnópole acolleu o pasado 11 de marzo o taller de presentación do Programa Re-Acciona Innovación. Na súa edición de 2020 e no relativo á innovación, o programa incorpora os seguintes servizos: deseño e lanzamento de produtos e servizos innovadores, protección da innovación e asesoramento para o financiamento da innovación.
 

Representantes da Axencia Galega de Innovación e as propias consultoras executoras dos servizos pesentaron no Parque as condicións da convocatoria. GAIN amosou o mapa de apoios a pemes que a axencia ofrece durante esta anualidade.

Primeiro paso para a ampliación de terreos na Tecnópole

A Asociación de Empresarios do Polígono San Cibrao reuniuse coa conselleira de Vivenda, Territorio e Medio Ambiente, Ángeles Vázquez, para analizar os últimos avances realizados polo goberno galego para concretar a ampliación do Parque Tecnolóxico de San Cibrao das Viñas. 

O Goberno poxará en maio capacidade para o 5G

O Goberno ten previsto celebrar en maio ou xuño a poxa de espectro para o 5G na banda de 700 MHz e prevé que as condicións sexan en gran medida similares ás de procesos anteriores, segundo anunciou o secretario de Estado de Telecomunicacións, Roberto Sánchez, quen indicou que, en cambio, si se analizará a posibilidade de cambiar a forma de pago respecto á de xullo de 2018 ante as peticións dalgúns operadores.
 

Sánchez confirmou que a intención do Goberno é celebrar a poxa no mes de maio, ou como moi tarde en xuño, data pendente da aprobación de toda a normativa necesaria para

A peme galega máis global é unha «spin off» xurdida da Universidade de Santiago

O ránking que elabora Ardán sobre o desempeño internacional das empresas galegas sitúa a unha firma de Santiago no número un do posto a nivel galego. Trátase de Mestrelab Research S.L., unha spin off xurdida da Universidade de Santiago (USC) hai máis de tres lustros, que facturou o pasado ano cinco millóns de euros (4,6 no 2018) e ten no cadro de persoal corenta traballadores. Esta compañía tecnolóxica vende un software que permite estudar a estrutura máis íntima da materia, o que ten aplicacións para o sector farmacéutico.

Un equipo galego dá pasos para formular unha vacina contra o VIH

A vacina contra a sida foi, desde a súa irrupción a grande escala nos anos 80, unha das maiores emerxencias sanitarias e científicas a nivel global. Todos os esforzos concentrados desde entón para erradicar unha enfermidade, que xa se cobrou a vida de máis de 35 millóns de persoas en todo o mundo, acabaron por caer en saco roto.

Investigadores do Ciqus avanzan no desenvolvemento de novos nanomateriais

Investigadores do Centro Singular de Investigación en Química Biolóxica e Materiais Moleculares (CiQUS) da Universidade de Santiago de Compostela (USC) conseguiron sintetizar diversas 'periferias' para os polímeros helicoidais, moléculas xigantes que posúen múltiples propiedades en nanociencia. ¿Cal é a importancia deste logro? Basicamente, o descubrimento deste pasamáns, cun aspecto parecido ás escaleiras de caracol, dá novas pistas no seu coñecemento e utilidade grazas ás modificacións estruturais introducidas. 

Biotecnolóxicas e empresas de automoción lánzanse á innovación dixital

 

Os dous clústeres de empresas galegas dos sectores da biotecnoloxía e a automoción ofrecerán ás pemes solucións tecnolóxicas para avanzar na innovación dixital. 

O Clúster Tecnolóxico Empresarial das Ciencias da Vida (Bioga) e o das Empresas da Automoción de Galicia (Ceaga) acaban de presentar uns centros de operacións (hub, nó, literalmente, en inglés) para promover a modernización dixital dos sectores implicados. 

O clúster ofrece ata 60.000 euros de axuda para dixitalizar as empresas alimentarias

Promover a dixitalización da industria alimentaria galega é o obxectivo do proxecto europeo no que participa o Clúster Alimentario de Galicia (Clusaga). A iniciativa, bautizada como S3Food, está financiada polo programa de investigación e innovación Horizonte 2020 da Unión Europea e conta cun presuposto total de máis de cinco millóns de euros. As industrias que participen poderán optar a axudas de ata 60.000 euros para implantar a industria 4.0 no sector alimentario. 

Nace InvestiGal, a Rede Galega pola Investigación, para dignificar a I+D+i

 

Catro anos terá que agardar para celebrar un aniversario a InvestiGal, a Rede Galega pola Investigación, que se fundou o pasado 29 de febreiro en Santiago tralo cónclave de medio centenar de persoas provenientes do sector investigador de toda Galicia.

O CSIC desenvolve unha técnica para calcular o impacto dos incendios sobre o solo

O Consello Superior de Investigacións Científicas (CISC) avalía o potencial dunha técnica isotópica para determinar a intensidade dun incendio forestal no solo a través do establecemento do impacto causado sobre a composición isotópica da materia orgánica. 

O CSIC explica que os primeiros resultados, que se están dando a coñecer a través da súa publicación en revistas científicas, apuntan a que se podería estar ante unha “técnica viable” para avaliar a intensidade dun fogo forestal a través dos campos producidos na composición do solo. 

A empresa de Tecnópole Primux, pioneira na implantación do 5G

Primux, situada en Tecnópole, é unha empresa tecnolóxica centrada no desenvolvemento de ordenadores, portátiles, tablets, smartphones, cámaras e accesorios diversos. Vai introducir no noso país a nova tecnoloxía móbil 5G. 

Un programa deseña en 3D os aneurismas de aorta antes de tratalos en Vigo

Cirurxiáns vasculares dos hospitais galegos participaron nun curso organizado polo servizo desta especialidade do Complexo Hospitalario Universitario de Vigo, situado no Álvaro Cunqueiro. Catorce facultativos actualizaron os seus coñecementos nas ferramentas informáticas vinculadas á cirurxía, que permite afinar as medidas das endopróteses que se colocan nos casos de aneurisma de aorta abdominal, unha lesión que provoca un empenamento desta arteria que pode provocar que rompa, con resultados letais. 

Páxinas