O Fondo de Emprendedores de Repsol volve para facer da transición enerxética un exercicio de sustentabilidade

Corenta e oito startups aceleradas ata a data -que conseguiron máis de 20 millóns de euros en investimento e financiamento-, máis dun centenar de patentes rexistradas, 2700 propostas recibidas... Fundación Repsol, a través do seu Fondo de Emprendedores, volve á carga cunha nova convocatoria dunha iniciativa que se converteu en todo un clásico do apoio ao emprendemento. En 2018 dezaseis das vinte startups que máis diñeiro levantaron en España (no sector de enerxía e mobilidade) pasaron polo Fondo de Emprendedores de Fundación Resol.

Por oitavo ano consecutivo, o programa de aceleración proponse localizar e axudar a startups que estean a desenvolver innovacións que contribúan a acometer a transición enerxética de modo sustentable. A convocatoria está aberta ata o próximo 4 de marzo (máis información e inscricións) e seleccionaranse entre 6-8 proxectos (os elixidos coñeceranse o próximo 29 de xullo), polo xeral desenvolvidos por pequenas e medianas empresas, aínda que tamén poden participar persoas físicas. Neste segundo caso, dende a organización explican que, de ser seleccionados, para recibir o apoio han de constituír unha empresa.

Durante un ano (prorrogable outro máis, coas mesmas condicións), Fundación Repsol achegará ás startups compañías seleccionadas unha cantidade que ascenderá como máximo ata os 144.000 euros. Os emprendedores recibirán asesoramento empresarial e tecnolóxico de parte dun equipo de mentores e formación en asuntos legais, empresariais e de mercadotecnia; accederán aos expertos de Repsol e poderán levar a cabo, sempre que sexa posible, probas nas instalacións da compañía.

Apoio sen contraprestación

Dous trazos diferencian esta convocatoria doutras propostas con pretensións similares. En primeiro lugar, os emprendedores non terán que modificar a situación da súa empresa nin se desprazar a ningún espazo de coworking. Por outro lado, dende Fundación Repsol aclaran que o apoio é prestado de xeito desinteresado "sen que implique ningún tipo de participación en capital da empresa, nin cesión de dereitos de propiedade intelectual".

Por outro lado, o Fondo de Emprendedores conta cunha modalidade de apoio para startups nunha fase de desenvolvemento máis próxima á casa de saída e que polo tanto teñen outras carencias. Nesta categoría, denominada 'Ideas', a Fundación ofrece 2000 euros ao mes durante un ano e o mesmo asesoramento e formación que reciben o resto de proxectos máis maduros.

A mellora da eficiencia da industria química e enerxética; a dixitalización e a mobilidade; a economía circular e biotech; novos materiais para a industria química e enerxética, a construción, o fogar ou o transporte e novas tecnoloxías de exploración e produción de petróleo e gas son os asuntos nos que os emprendedores deben centrar o tiro.

Os emprendedores que xa teñan startup operativa e experta nalgún dos campos sinalados, teñen unha oportunidade para obter o impulso que necesitan.

(Fonte: Innovaspain)